一個好人丨江美儀探訪獨居老友記感觸深　反思應多抽時間陪長輩

TVB綜藝節目《一個好人》在最後一周換上江美儀任主持，並繼續由「音樂情人」鄭子誠作聲音導航。

明晚（4月1日）的《一個好人》，美儀分別拜訪義務幫基層滅蝨的陳家駱（阿臣）、義補計劃創辦人梁啟業（ O仔）和義務照顧獨居老人的徐玉英（Joyce）。

出身破碎家庭、眼部有殘疾的阿臣曾經歷床蝨煎熬，後來成立了滅蟲公司並決意義務幫基層滅蝨，阿臣說：「個人力量好細，做得一單得一單，幫到一個人就一個人，希望能夠及時將關懷帶到出去。」

戴齊口罩和手套的美儀，跟隨阿臣到一個單位滅蝨，該單位布滿雜物、床蝨無處不在，美儀膽粗粗拿着蒸氣機四處噴蒸氣滅蝨，但當見到床蝨隱藏在各種窿窿隙隙位置時，還是忍不住嚇到大嗌，美儀事後坦言：「一定要唔怕污糟，如果唔係點清潔，但我回心諗，如果我唔幫佢清潔，咁佢咪一直畀啲蝨惹佢？係恐怖、核突㗎，但做得就做囉。」

一個好人丨舉辦相展凝聚一班善心人士　林子善：慶幸有一班好人默默付出

▲ 美儀戴齊裝備跟阿臣（右）去滅蝨。

不想留有遺憾

至於義補計劃創辦人O仔除召集一班大專生幫助基層小朋友補習，還會定期舉辦各種活動，為他們擴闊生活圈子。拍攝當日，美儀化身「一日講師」為一班學生分享人生經歷，勉勵他們勇敢面對得失 ，活出精彩人生。

之後，美儀會合退休護士Joyce出動探訪獨居的老友記，過程中美儀大有感觸：「活到呢個年紀，身邊總有啲人離開咗，我開始覺得係咪要用多啲時間去陪伴身邊嘅長輩，唔想到時有遺憾。」

▲ 14歲Owen年紀輕輕就創立咗運動義教平台。

14歲Owen率同輩義教

後晚（4月2日）播出的《一個好人》，美儀分別拜訪成立運動義教平台的 Owen、義載司機吉哥、樓梯機操作員Peonie和家居維修義工邱師傅。

14歲的Owen年紀輕輕便創立了運動義教平台，組織一班同輩好友義教基層小朋友做運動，美儀隨Owen到幼稚園教小朋友打籃球，Owen教導小朋友時有板有眼，完全不像只有14歲的小朋友，最後一班幼稚園小朋友為Owen送上感謝狀和唱歌答謝他，場面感人。

美儀大讚Owen說：「佢畀我感覺好大哥哥，好有領導才能，小朋友帶領住義工去做嘢，真係一啲都唔容易，十幾歲嘅小朋友都有咁嘅心去幫其他人，我哋係咪要向佢哋學習做多啲嘢回饋社會？」

▲ 14歲Owen年紀輕輕就創立咗運動義教平台。

操作樓梯機嘆不簡單

之後，美儀跟着義載司機吉哥接送一對因丈夫坐輪椅關係而久未外出的夫婦到山頂遊玩，吉哥說：「見到佢哋玩得好開心，我都好開心。」

講到最難忘的一次經歷，吉哥說曾接過一位伯伯外出影四代同堂全家福，雖然拍完照不久伯伯便回了天家，但伯伯的家人仍然非常感激吉哥幫忙。

▲ 美儀跟住義載司機吉哥接送一對夫婦遊山頂。

接着，美儀跟隨Peonie學習操作樓梯機幫助輪椅人士出行，由於樓梯機相當重，大家都做到身水身汗，她事後坦言：「好鬼重部機，操作員要拉部機去樓梯邊，真係要用好多力！」

最後，美儀跟着邱師傅和邱師傅的兒子做家居維修義工，邱師傅的兒子雖然人仔細細，但工作時表現似模似樣，非常叻仔。

▲ 美儀試坐樓梯機。

最新影片推介：炎明熹專訪

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5